الثلاثاء، 24 يناير 2012

أنا وخالو

.حكايات جديدة مختلفة .. 
والمرادى حكاياتى مع خالى الوحيد ... 

لكن قبل ما أبدأ سألت ماما عن حكايات جديدة مكنتش اعرفها عن الفترة من سنة لسنتين 

وكانت هذه الحكاية اللى ضحكت لما سمعتها جداااا .. وفى نفس الوقت صعبت على نفسى ... وسألتها هو حد لحقنى ههههههه طبعا سؤال ذكى لو مكنش حد لحقنى مكنتش هتبقى فيه مدونة بإسمى أصلاااا 

والحكاية بقى كانت 
إنى خرجت من البيت كالعادة عشان ألعب مع ولاد الجيران ... وبعدين طلعت على سلم بيت من بيوت الجيران ... وبعدين لمحت جردل مليان مية تحت السلم لفت نظرى الألوان على وش المية فركزت لا قيت صورتى وقعدت أركز أكتر وأكتر لعند ما روحت واقعه فيه من فووووق 

راسى جوا ورجلى لفوق 0_0   

والحمد لله انه كان فيه ناس واقفه كنت رحت فطيييييييييس هههههههههه وحمدالله على سلامتى :) 

***************** 

نيجى بقى لحكاياتى مع خالو .. 

خالى الوحيد وأنا كنت أكبر حفيدة فى العيله من الجهتين وطبعا لازم الكل يدلع ويشيلنى رايح جاى ... وكنت دايما لازقه لخالى فى كل مشوار ... لكن أحيانا كان يزهق أو يكون مشوار مينفعش ياخدنى فيه لأى سبب ممكن يكون بسبب البرد مثلا ... الغريب والجميل اوى إنى كنت أفهم غمزاته مع نينتى ولو هى قالتلى تعالى دأنا اللى خارجة مصدقش وأفهم إنها بتبعدنى لعند ماخالى يمشى ...... الجملة بقى اللى كنت دايما أقولهاله فى الموقف ده ( يا أروووووب عايز تمشى وتسيبنى هههههههههه ) 
وطبعا لازم كنت أروح ومحدش يضحك عليا أبدااااا :) 

**********

حكاية تانية مع خالو 

كان فيه كلب فى شارع بين بيتنا وبيتهم بنمر عليه وكان الكلب ده شكله مرعب وممكن يعض وكبير ... خالى كان بيخاف منه زى أى حد يشوفه .... وفى مرة كنت ماشية معاه وعدينا من مكان تواجد الكلب ده فخالى بعد بعيد بيا عشان مخفش منه أو أصرخ 

وإذ فجأة (تن ) ههههه أروح سايبة إيده بسرعه وأروح قريب جدا من الكلب ...... وأخوف الكلب هههههههه إزاى بقى ... رحت مصقفه فى وشه وأنا بقول بخخخخخخخ هههههههههههههه ... الكلب فعلا خاف وجرى  ( طبعا مش أنا اللى بخوف بس ده بيحصل دايما ) 

***********

ونكمل فى حلقة قادمة إن شاء الله :)) 

هناك 16 تعليقًا:

  1. هههههههههههه ...
    أولاً .. التباعد بين التدوينة والتانية في الزمن بيشوقنا جداً .. لحد أول ما نشوف إنه فيه تدوينة جديدة نروح سايبين كل حاجة وداخلين التدوينة الجديدة تنشوف قصة شقاوة جديدة ..
    ثانياً .. الحمد لله على سلامتك .. بس أنا مش عارف هو إيه معنى الجردل عندكم .. بس اتخيلت إنه طست كبير مثلاً أو جرن حمام ؟؟ بس الموقف واضح ..
    يعني لو حصل حاجة لحضرتك منين نجيب رؤى غيرك ؟؟ ده احنا يا دوب لقينا رؤى واحدة طيبة زي حضرتك .. ههههه
    ثالثاً .. آآآآآه يا راس أنا .. دي غنى لما كانت في سن صغيرة كانت معجزتني من العلقات لخالاتها وستها .. ودائماً بتبكي علشان عاوزة تروح وياهم .. حتى في مرة من المرات أنا عضيتها من كتر ما هي بكيت وفضحت الدنية في الشارع عاوزة ستها يعني نانتها ... ههههههه .. أسلوب تربية بقه .. هه

    أم حكاية الكلب ده .. فعلاً تجنن من الضحك ..
    يعني لازم خالك اتعلم طريقة جديدة علشان ما يخافش من الكلب إنما يخوفه .. هههههههه
    بس إنت متأكدة إنك ماكنتيش بتخوفي .. أنا بدأت أخاف منك بقه .. هههههههه
    لا حقيقة .. شقاوة غير ..
    مع التحية الطيبة .. ويارب دايما تبقي في السعادة دي اللي تخلي الذكريات الطيبة هي الغالبة ..

    ردحذف
  2. شكرا لسرعة ردك أستاذ محمد

    وعندك حق لازم نسيب فترة تشويق كافيه هههه بس مش عارفه اعمل كده فى رؤى لان الخواطر تدون بيومها او حتى لو اتأخرت شوية بيكون لازم التاريخ اللى بيربطنى بذكرى معينه

    الجردل يعنى دلو :))

    والله مكنتش بخوف بس بشغل دماغى هههههههه

    شكرا لمرورك

    ردحذف
  3. الحقيقة أنني قصدت أن بين التدوينة والأخرى هنا فترة طوييييييلة تسبب لنا التشويق غصباً عننا .. ههههه

    ردحذف
  4. قصص جميلو طريفة لا شك كنت شقية جدا في صغرك
    امتعتنا بهذا الجمال
    بوركت

    ردحذف
  5. ههههههه
    دايما واحنا صغيرين بنكون
    اكثر جراءه وعلشان انت بتحبي
    تخوفي وانت صغيره مفيش مانع تخوفي الكلب بالمره ههههه
    تحياتي

    ردحذف
  6. ليلى ... شكرا لمرورك ... لا تحرمينا :)


    كارولين .... يمكن عندك حق ههههههه بس اكيد بنتغير بمرور الزمن والظروف كويس اننا بنفتكر


    تحياتى لكما

    ردحذف
  7. جميله الحكايات كلها كويس انك لسه فاكراها واعترفك علي نفسك
    كبيره اوي حكايه الكلب دي
    ربنا يسترها معاكي
    تحياتي

    ردحذف
  8. حكياتك جميلة جدا..وطريقتك فى السرد ممتعة بجد مش هندم إنى انضميت لمدونتك الرائــعة..تقبلى مرورى وتحياتى

    ردحذف
  9. وصف ... ههههههههه مش كلها فاكراها لان السن صغير اوى بس بيحكوهالى ... وموضوع الكلب ده خلاص بقى كبرنا وبقينا نخاف :)


    حبيبه ... سعيدة بإنضمامك اهلا بيك
    تحياتى لمرورك العطر
    ولك هذه
    http://roaa3lewa.blogspot.com/

    ردحذف
  10. ههههههههههههههههههههههههه
    ما أشقاكي كنتي :)
    الحمد لله على سلامتك :)
    ،،،
    دايماً البنات بيكونوا مدللات من الأخوال
    عندي بنت من بناتي بس تشوف خالها بتهجم عليه وبتصير بدها اياه،، وما بتعمل نفس الشي مع أبوها هههههههههههههه
    ،،،
    ربي يخليكي ويحفظك :)

    ردحذف
  11. هههه منورة يا نسرين وعندك حق

    ربنا يبارك لك فى بناتك

    تحياتى ام القمرات

    ردحذف
  12. ربنا يبارك لك فى عيلتك تعرفى اننا متشابهين يعنى انا اكبر حفيدة ايضا ولى خال رحمه الله هو من تولى تربيتى وساعد فى تكوين شخصيتى لهذا اعلم مدى حبك لخالك لانك تحدثتى عنه ولى ايضا مشاركة كتبتها من اجل خالى
    اسعدنى المرور

    ردحذف
  13. مرحبا بك همسة


    اسعدنى مرورك العطر واكيد لسه حكايااااااااات

    نورتى

    ردحذف
  14. السلام عليكم و رحمة الله و بركاته ’ أما بعد أردة أن أدعوكم لزيارة مدونة الأمل و اعطائي رأيكم فيها بكل صراحة و ترك بصمتكم الغالية على قلبي في المدونة و سوف أكون شاكرا لكم جزيل الشكر .

    في انتضار زيارتكم تقيلو مني فائق الاحترام و التقدير

    ردحذف
  15. هههههههههههههههههههههههههههه
    ضحكتينى ضحك اة يانى
    لا انا لابده هنا وهوناك برضوا في رؤي ورؤي البراءة ^_^

    هو دة اسمك فعلا ولا :))

    ردحذف
  16. طيب وبعدين معاكي يا رؤى ..
    إنت بتطولي علينا في روايات وقصص شقاوتك ..
    منتظرين الجديد بصبر فارغ ..
    مع التحية الطيبة ..

    ردحذف

مرحبا بكم فى عالم طفولتى